Content
19-02-23 ਨੂੰ ਸਥਾਨਕ ਹਿੰਦੂ ਕੰਨਿਆ ਕਾਲਜ ਕਪੂਰਥਲਾ ਦੇ ਪੋਸਟ ਗ੍ਰੈਜੂਏਟ ਪੰਜਾਬੀ ਵਿਭਾਗ ਅਤੇ ਭਾਸ਼ਾ ਮੰਚ ਦੁਆਰਾ ਲੋਕ ਮੰਚ ਪੰਜਾਬ ਦੇ ਸਹਿਯੋਗ ਨਾਲ ਨਾਟਕ ਮੰਚਨ ਅਤੇ ਰੂ-ਬ-ਰੂ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ । ਵਿਦਿਆਰਥੀਆਂ ਨੂੰ ਸਾਹਿਤ ਨਾਲ ਜੋੜਨ , ਰੰਗ ਮੰਚ ਤੇ ਨਾਟਕ ਦੇ ਆਪਸੀ ਸੰਬੰਧਾਂ ਨੂੰ ਦਰਸਾਉਣ ਅਤੇ ਸਾਹਿਤ ਦਾ ਵਿਵਹਾਰਿਕ ਗਿਆਨ ਦੇਣ ਦੇ ਉਦੇਸ਼ ਨਾਲ ਪੰਜਾਬੀ ਦੀ ਪ੍ਰਸਿੱਧ ਕਵਿੱਤਰੀ ਸ਼੍ਰੀਮਤੀ ਸੁਖਵਿੰਦਰ ਅੰਮ੍ਰਿਤ ਦੇ ਜੀਵਨ ਅਤੇ ਕਵਿਤਾਵਾਂ ਉੱਪਰ ਆਧਾਰਿਤ ਨਾਟਕ 'ਰਾਹਾਂ ਵਿੱਚ ਅੰਗਿਆਰ ਬੜੇ ਸੀ' (ਲੇਖਕ ਤੇ ਨਿਰਦੇਸ਼ਕ ਰਾਜਵਿੰਦਰ ਸਮਰਾਲਾ )ਦਾ ਮੰਚਨ ਅਤੇ ਕਵਿਤਰੀ ਦੇ ਰੂ-ਬ-ਰੂ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ । ਪ੍ਰੋਗਰਾਮ ਵਿੱਚ ਪ੍ਰਸਿੱਧ ਪੰਜਾਬੀ ਕਵਿੱਤਰੀ ਸ਼੍ਰੀਮਤੀ ਸੁਖਵਿੰਦਰ ਅੰਮ੍ਰਿਤ ਮੁੱਖ ਮਹਿਮਾਨ ਦੇ ਰੂਪ ਵਿੱਚ ਸ਼ਾਮਿਲ ਹੋਏ ।
Motive
ਪ੍ਰੋਗਰਾਮ ਦਾ ਪ੍ਰਯੋਜਨ ਵਿਦਿਆਰਥੀਆਂ ਨੂੰ ਸਾਹਿਤ ਨਾਲ ਜੋੜਨਾ ,ਰੰਗ ਮੰਚ ਤੇ ਨਾਟਕ ਦੇ ਆਪਸੀ ਸੰਬੰਧਾਂ ਨੂੰ ਦਰਸਾਉਣਾ ਅਤੇ ਸਾਹਿਤ ਦਾ ਵਿਵਹਾਰਿਕ ਗਿਆਨ ਦੇਣਾ ਸੀ। ਨਾਲ ਹੀ ਵਿਦਿਆਰਥੀਆਂ ਨੂੰ ਉਸ ਸ਼ਾਇਰਾ ਦੇ ਜੀਵਨ ਤੇ ਰਚਨਾਵਾਂ ਤੋਂ ਜਾਣੂ ਕਰਵਾਉਣਾ ਜਿਸ ਨੂੰ ਉਹ ਸਲੇਬਸ ਵਿੱਚ ਪੜਦੇ ਹਨ।ਕਵਿੱਤਰੀ ਦੇ ਜੀਵਨ ਅਨੁਭਵਾਂ ,ਰਚਨਸ਼ੀਲਤਾ ਅਤੇ ਕਰਮਸ਼ੀਲਤਾ ਬਾਰੇ ਜਾਣਕਾਰੀ ਦੇਣਾ ਤਾਂਕਿ ਵਿਦਿਆਰਥੀ ਸਿੱਖਣ ਕਿ ਸੰਘਰਸ਼ ਦੀ ਭੱਠੀ ਵਿੱਚ ਤੱਪ ਕੇ ਹੀ ਲੋਹਾ ਸੋਨਾ ਬਣਦਾ ਹੈ।
Outcome
ਵਿਦਿਆਰਥੀਆਂ ਨੇ ਜਿਥੇ ਨਾਮਵਰ ਸ਼ਾਇਰਾ ਬਾਰੇ ਜਾਣਿਆ ਉਥੇ ਨਾਲ ਹੀ ਵਿਦਿਆਰਥੀਆਂ ਅੰਦਰ ਸਾਹਿਤਕ ਵਿਧਾ ਨਾਟਕ ਪ੍ਰਤੀ ਵੀ ਰੁਚੀ ਪੈਦਾ ਹੋਈ। ਵਿਦਿਆਰਥੀਆਂ ਅੰਦਰ ਨਾਟਕ ਦੇਖਣ ਦਾ ਉਤਸ਼ਾਹ ਵੀ ਨਜ਼ਰ ਆਇਆ